Make your own free website on Tripod.com

Formashon Sosial Kultural i Artístiko

Home

Aktividat 2002 di FORSKA | SENTEBIBU pre-eskolar info | SENTEBIBU pre-eskolar inskripshon | Donatieformulier | Inschrijvingsformulier
Aktividat 2002 di FORSKA

Enter subhead content here

 
Fundashon Forska ta presentá su aktividat pa aña 2002
Fiesta kreativo pa mucha

Ora un mucha hasi aña e por selebrá su kumpleaño na un manera kreativo, na loga  di e mucha kore hunga i kome, e por hasi tambe obra di man i pintamentu huntu ku su amigunan. Na nos sentro di kreatividat den edifisio di Nechi Pieterscollege, na Manhattanweg 6A nos ta ofresé aktividatnan kreativo pa kumpleaño. Tambe nos por organisá e aktividat kreativo na e mucha su propio kas.    

Workshop pa hende grandi

Fiesta di famia, amiga i amigunan hende grandi tambe nos ta organisá aktividatnan kreativo, manera traha ku klei, pinta portrèt, kerámika dekorá rondó den kura ku kosnan ku no tin nodi di kosta sèn eks. e persona tambe mes por bini ku ideanan di dilanti i nos profeshonalnan lo guia e proseso na un manera masha agradabel. E kreashon di obra di kada persona ta hopi importante. E aktividat por tuma logá kaminda ku e personanan ta deseá, e por ta un dia òf henter un wikènt. E meta prinsipal di  aktividat ta ku kada persona lo haña un bon idea kon yena su tempu liber hasiendo kosnan kreativo pa su mes.

Siña pinta bo propio portrèt.

Na un manera simpel bo ta siña pinta bo propio portret pa bo por kologá den bo kas. Den ocho lès bo ta siña esaki.

Pintamentu den naturalesa

Tur hende por partisipá, no ta un kurso ta wòrdu duna. Tur persona ku den nan ora liber sa pinta òf  ta gusta pinta, pero no tin e tempu pa sigui un kurso, pero tin deseo di hana algun instrukshon di sierto téknika ku diferente material di pinta por partisipá. Ta bo ta disidí kual dia bo ta bai. Kada persona ta paga pa esun dia ei, ku ta inkluí kòfi / te, refresku, sèntwich i guia. Pero un persona por skohe solamente pa guia, i bini ku su propio desayuno.

Tur partisipante ta sòru pa su propio materialnan di pinta manera papel di aquarel òf aquarelblok, plakband, pòtlot, gòm slijper, pènsel, beker pa awa, lapi paña eks. i tambe un stul pa sinta ariba i pida hardbaord di 75 cm pa un meter. Nos lo bende solamente papel pa pinta ariba. Tur hende ku ke partisipá mester bel adelantá i por hasi esaki te ku e djabièrnè di e siman ku ta bai pinta.

Pa kada biaha ku ta bai pinta mester bel reserva. Pasobra riba kada 12 persona lo mester tin un profeshonal guiadó, i nos mester tene kuenta ku esaki, pa tur partisipante por keda satisfecho ku e giua ku e ta haña.

Kurso di aquarel i pintamentu.

Kurso di aquarel ta ser duna na Kaya Barbulètè 20 riba djárason, di 7 or te 10or di anochi i ta konsistí di 12 lès. E grupo di partisipante lo ta limitá te ku 6 persona, si tin mas partisipante, lo duna kurso riba djaweps tambe.

Podium habri pa nos hóbennan

E aña aki fundashon Forska ta pone hopi aksènt riba formashon di nos hóbennan.

Den tur bario na Kòrsou nos ta bai introdusí Podium Habri ku e intenshon pa kada grupo di bario sigui ku e desaroyo aki i habri kaminda pa nos hóbennan haña mas kurashi i demonstrá nan talentonan. Ku Podium Habri tur mucha ku kier demonstrá su talento, kiko e por hasi bon, manera kanta, konta chiste, bisa poesia, toka un instrumento, baila eks. ta haña e oportunidat di subi podium e demonstrá esaki. Tur kos ta posibel basta e ta pas riba Podium. Podium Habri no ta un forma di Kompetensia, ta solamente e mucha ta demonstrá kiko e por, i publiko ta apoyé i duné kurashi.

Den tur bario nos lo pone e aktividat aki, i si tin grupo den bario ku kier hasi esaki nan mes no lo yuda nan organisá esaki. Kada bario ku nos skohe, nos lo aserka e skolnan den e bario menshoná, pa asina e maestronan di e skol por presentá e alumnonan ku ke partisipá. Tambe na nos Sentro nos lo tin profeshonalnan ku ta duna kursonan kòrtiko kon aktua riba Podium, presentá un skèch kòrtiku den grupo, siña baila, toka tambú i otro instrumentonan ritimiko.

 

Workshop pa traha maskarada dekòr  i otro formannan ku ta ser usa pa teater.

E workshop aki ta pa maestro di skol, dosente di obra di man i persona den mundu di teater. E workshop ta dies lès di 3 ora pa siman, i ta kuminsá djasabra 16 di febrüari 2002, di 2 or te ku 5 or di atardi na nos sentro di kreatividat den edifisio di Nechi Pieterscollege, na Manhattanweg 6A.

E dosente ta señora Lydia van Wijngaarden.

E kurso ta na Hulandes.

Banda di stilbènt

Fundashon Forska ta buska 12 hóben enter 15 pa 18 aña pa lanta un banda di stilbènt. Si bo no sa toka stilbènt, no ta problema, señor Richardson lo siña bo toka esaki. Kada hóben ku kier partisipá mester inskribí i laga su mayornan tuma kontakto ku nos, pa di e forma aki nos por duna e mayor informashon ta kiko ta e meta di un banda asina aki. Sin kontakto ku e mayor di e hóben, e hóben no por partisipá.

Yena nos formulario di inskripshon, i asina nos tin e kantidat di partisipante, nos lo tuma kontakto ku bo.
Nos kier a partisipá tambe na bo ku bo mes por forma bo grupo pa partisipá na un di nos aktividatnan. No lubidá di pone aseka e dia i orario ku bo ta deseá.
Bo por manda nos tambe un e-mail pa haña mas informashon.
Home



Enter supporting content here